Бог нарадзіўся! Свету аб’явіўся!
Найвышэйшы стаўся найменшым,
Вечны стаўся смяротным,
Усемагутны стаўся слабым,
Святы стаўся блізкім да грэшнікаў,
Нябачны стаўся бачным.
Бог стаўся Чалавекам, пасяліўся паміж нас, каб разам з намі раздзяліць жыццё: жыццё, поўнае радасці i смутку, перамогі i паражэння, змагання i вы-прабавання…
Езус Хрыстус прыйшоў на зямлю, каб адчыніць нам брамы Неба i паказаць дарогу да Нябеснага Валадарства. Бог не пакінуў нас, але ёсць з намі кожны дзень i дапамагае нам праз усё нашае жыццё. Ён нарадзіўся ў бедным хляву, каб кожны мог прыйсці да Яго i чэрпаць ласкі, неабходныя ў гэтым жыцці i ў вечнасці.
Дарагія жыхары горада i раёна! Жадаем, каб Бог, Які нарадзіўся для кожнага з нас, напоўніў Вашыя сэрцы верай, надзеяй i любоўю! Няхай у кожнай сям’і запануюць супакой, дабро, радасць i еднасць! Няхай Божая ласка суправаджае Вас праз усе дні Новага Года!
Сардэчна запрашаем на радаснае перажыванне Урачыстасці Божага Нараджэння:
24 снежня — Святая Імша ў 22.00,
25 снежня — Святая Імша у 10.00.
Настаяцель касцёла
Унебаўзяцця Найсвяцейшай Дзевы Марыі
а. Аляксей Рамановіч i парафіяне.
