#ДзеньРоднагаСвайго
Пятніца, якая вяртае да каранёў.
Вучаніцы Залужскай школы прадставілі сакральны прадмет ужывання – беларускі ручнік.
Для нашых продкаў ручнік быў не проста рэччу, а абярэгам і знакам бесперапыннасці роду. Ён суправаджаў чалавека ад нараджэння да апошняга шляху: нованароджанага прымалі на ручнік; у покуці на набожніку стаяў абраз; на ім выносілі хлеб-соль і віталі дарагіх гасцей; на вяселлі маладыя станавіліся на ручнік, ім перавязвалі родзічаў у знак яднання сям’і; у развітанні ручнік таксама сімвалізаваў павагу і памяць.
Ручнік быў таксама сведчаннем майстэрства гаспадыні: яго збіралі ў пасаг, перадавалі ў спадчыну і беражліва захоўвалі як сямейную рэліквію.
Сёння вяртанне да традыцыі ручніка – гэта жывая ніць паміж пакаленнямі, магчымасць адчуць голас продкаў і перадаць далей каштоўнасці нашай культуры.
#БеларускіРучнік #Спадчына #Традыцыі #Лён
