4.6 C
Старые Дороги
Пятница, 3 октября, 2025

Он был простым бухгалтером и храбрым подпольщиком. История подвига Мартына Дорошки в проекте «Семнадцать мгновений войны»

У 41-м годзе, калі Старыя Дарогі былі акупіраваны гітлераўцамі, мясцовай бальніцай кіраваў галоўны ўрач Аляксей Іванавіч Шуба — будучы камбрыг 100-й партызанскай брыгады.

Пра яго потым будзе шмат расказана і напісана. Не так многа вядома пра подзвіг чалавека, які працаваў і змагаўся з фашыстамі поплеч з ім і заплаціў жыццём за ўдзел у вызваленчай барацьбе. Гэта быў бухгалтар бальніцы Мартын Дзянісавіч Дарошка. Немцы і паліцаі не маглі западозрыць, што гэты сціплы непрыкметны чалавек бясстрашна курсіруе паміж бальніцай і партызанскім атрадам, перадаючы народным мсціўцам лекі ад галоўнага ўрача.

Калі Шуба падаўся ў партызаны, Дарошка застаўся на сваім пасту бухгалтара і сувязнога. Ён па-ранейшаму перадаваў у лес патрэбную інфармацыю і медыкаменты, пакуль аднойчы ўсё не стала вядома гестапа. Былі арыштаваны падпольшчыкі С.Ю. Доўнар і яго малодшы брат Б.Ю. Доўнар, А.Г. Несцяровіч і Мартын Дарошка. Калі праз дванаццаць сутак катаванняў і пакут да яго ў турэмную камеру пусцілі жонку Матрону Фёдараўну, яна жахнулася: муж быў збіты да непазнавальнасці. На ім не было жывога месца. Ён не мог ні сядзець, ні стаяць, а толькі поўзаў па падлозе…

Гестапавец пры жонцы паабяцаў: калі Дарошка назаве іншых падпольшчыкаў, яму захаваюць жыццё і ён вернецца да сям’і, да сваіх траіх дзяцей, старэйшаму з якіх было 5 год, а маленькаму — толькі 6 месяцаў.

Самому Мартыну Дарошку было 32 гады. Ён нікога не выдаў. На наступны дзень яго расстралялі, а яшчэ праз дзень паліцаі, з’явіўшыся ў хату, разрабавалі ўвесь нажытак сям’і.

Гэта гісторыя коратка распавядаецца ў раённай кнізе “Памяць”. На жаль, невядома месца захавання героя-падпольшчыка. Калі яно вядома родным, нашчадкам героя — просім іх выйсці на сувязь з рэдакцыяй. Нам вельмі хацелася б сабраць дадатковую інфармацыю пра Мартына Дарошку і яго подзвіг.

Поделиться :

Популярное

Схожие статьи
Похожие

Ночные заморозки ожидаются в Беларуси 3 октября

В Беларуси 3 октября в ночные часы во многих...

Стали известны результаты языкового экзамена для трудовых мигрантов в Беларуси

Иностранцы, которые претендуют на трудоустройство в Беларуси на определенный...

В Стародорожском районе лоси дважды выбегали на дорогу перед автомобилями

За прошлую неделю в районе зарегистрировано два дорожно-транспортных происшествия...

Пьяный мужчина избил человека в городе. При себе у дебошира был нож

Этот гражданин ранее неоднократно вступал в конфликт с законом,...
Яндекс.Метрика