6 лютага Стародорожскі цэнтр рамёстваў наведалі вучні 1 “А” класа, каб прыняць удзел у пазнавальна-этнаграфічнай праграме «Рамёствы нашых продкаў». Сустрэча стала сапраўдным падарожжам у свет мастацтва, традыцый і рукадзелля.
Дзеці пабывалі на пастаяннай экспазіцыі, прысвечанай рухаўскім дыванам. Хлопчыкі і дзяўчынкі даведаліся, што кожны дыван — гэта часцінка душы і работы майстра. Асаблівае ўражанне пакінула наведванне студыі ткацтва «Удаліца». Экскурсія працягнулася знаёмствам з саломянымі павукамі, тэкстыльнымі лялькамі і тканымі паясамі. На прыканцы з дзецьмі правялі майстар-клас па пляценню вітога шнура.
#ДеньРодногоСвоего #ДзеньРоднагаСвайго #КожнаяПятніца #НароднаеРамяство #СтародорожскіЦэнтрРамёстваў
