Раённы фестываль-кірмаш працаўнікоў сяла адбудзецца 8 верасня ў аграгарадку Горкі. Удзельнікаў і гасцей чакае яркая насычаная праграма.
Мерапрыемства распачнецца ў 15.00 каля адміністрацыйнага будынку ААТ “Арэса-агра”. Першым пунктам праграмы па традыцыі стане цырымонія ўскладання кветак да помніка землякам, якія загінулі падчас Вялікай Айчыннай вайны.
З 15.00 да 19.00 адкрыты выставы-конкурсы “Каравай-2023” і “Дажыначны сноп-2023”.
З 16.00 гасцей чакаюць на выставах-падворках арганізацый “Сялянская хата на прысмакі багата”; у гэты ж час адбудзецца канцэрт з удзелам ансамбля “Каларыт”.
У 17.00 — урачыстае адкрыццё і цырымонія ўшанавання пераможцаў.
У 18.00 прадастаўляецца ўнікальная магчымасць пабываць на канцэрце ВІА “Лейся, песня” і Сяргея Белікава (Расійская Федэрацыя).
У 20.00 можна паглядзець неонавае шоу, а ў 21.00 — святочны феерверк і лазернае шоу.
Гэта толькі асноўныя пункты праграмы, якая змяшчае яшчэ шматлікія гульні, конкурсы, майстар-класы, забавы для дзяцей і дарослых.
На дажынкі запрашаюцца жыхары, ураджэнцы раёна, госці. Прыязджайце — будзе цікава!
