Палац культуры сардэчна запрасіў сяброў з суседніх раёнаў на рэгіянальны фестываль народнай творчасці “Арэскія вытокі”. Артысты з Пухавіцкага, Салігорскага, Уздзенскага і Любанскага раёнаў прыехалі да нас, каб не толькі паспяваць і патанчыць, а і падарыць незабыўныя эмоцыі і добры настрой.
Яшчэ далёка да выхаду на сцэну гаспадары і госці стварылі свята ў фае Палаца. Па адзін бок стаялі накрытыя сталы, поўныя смачных традыцыйных беларускіх страў. Выстава так і называлася “Старадарожскае смакаццё”.
У другім баку шырока раскінуліся выставы і фотазона цэнтра рамёстваў.
Быў і яшчэ адзін прывабны куточак, на экспанаты якога пакуль можна было толькі глядзець. Вялікія кошыкі з восеньскімі дарамі — нібы творы мастацтва. Іх пасля выступленняў разыгралі сярод гледачоў і ўдзельнікаў свята.
А затым пачаўся доўгачаканы канцэрт, падчас якога выступілі таленавітыя калектывы с розных куткоў Міншчыны.
Фестываль прайшоў непрыкметна. Цудоўныя ўражанні застануцца надоўга у тых, хто пражыў іх разам з артыстамі. Шчырыя словы падзякі выказала ўдзельнікам свята начальнік аддзела ідэалагічнай работы, культуры і па справах моладзі райвыканкама Святлана Каролька. Кожнаму калектыву яна ўручыла дыплом і каштоўны падарунак.
Падрабязней чытайце ў свежым нумары «НС».
