Больш за 70 лялек прадстаўлены на выставе беларускай лялькі “ЧАРОЎНЫ СВЕТ, ДЗЕ КІРУЮЦЬ ЛЯЛЬКІ”, якая адкрылася ў Старадарожскім цэнтры рамёстваў.
Выстава будзе працаваць на працягу тыдня з 14 па 19 лістапада. Яна прымеркавана да Дня беларускай лялькі, які з 2010 года адзначаецца ў нашай краіне 16 лістапада.
Наведвальнікі ўбачаць лялькі – ад мініяцюрных да вялікіх — выкананыя ў розных тэхніках і з самых разнастайных матэрыялаў: тэкстылю, саломы, ільну. Пазнаёмяцца з беларускімі абрадавымі і пазаабрадавямі лялькамі, а таксама аўтарскімі лялькамі, зробленымі рукамі мясцовых майстроў.
Уваход на выставу вольны.